00:00 16 августа 2011 г.
ЧР Министрсен Кабинечĕн ларăвĕнче саккун проекчĕсене çирĕплетнĕ, тĕрлĕ вăхăтри йышăнусене улшăнусем кĕртнĕ.
Граждан оборонин тата чрезвычайлă лару-тăру ĕçĕсен комитечĕн председателĕ Ю.Кекиш ирĕклĕ пушар дружинисене йĕркелесси, хальхи вăхăтра çакăн пек 700 яхăн подразделени ĕçлени çинчен пĕлтернĕ. «Ялăн социаллă аталанăвĕ» программăна 2013 çулччен тăснине кура Министрсен Кабинечĕн членĕсем вырăнти хăй тытăмлăх органĕсене патшалăхăн уйрăм полномочийĕсемпе тивĕçтермелли вăхăта улăштарнă. Çавна май ЧР 17 саккунĕн 1 пайне улшăнусем кĕртмелли саккун проектне çирĕплетнĕ.
Культура министрĕн çумĕ Т.Казакова çĕнĕ саккун проекчĕпе паллаштарнă. Малашне патшалăх символĕсемпе йĕркене пăсса усă куракансене хытăрах айăплав кĕтет.
Правительство членĕсем муниципалитет харпăрлăхĕнче шутланакан гидротехника сооруженийĕсене тĕпрен юсаса çĕнетмелли проект документацине хатĕрлеме 2011 çулта Вăрнар, Пăрачкав тата Вăрмар районĕсене республика бюджетĕнчен субсиди уйăрма палăртнă.