00:00 09 августа 2011 г.
Çветтуй Илья пророк кунĕнче Патăрьел районĕн тĕп больницин территорийĕнче часавай пулмалли вырăна сăвапланă. Вăл хăват паракан Николай ячĕллĕ пулĕ.
Шупашкар-Чăваш Ен епархийĕн 5-мĕш округĕн благочиннăйĕ, Первомайскинчи Христос Чĕрĕлĕвĕн чиркĕвĕн настоятелĕ Сергей, Патăрьелĕнчи Александр Невский кнеç чиркĕвĕн клирикĕ Петр иерей кĕлĕ вуланă, часавай пулмалли вырăна сăвапланă.
Часавай уçасси - вăхăтсăр пурнăçран уйрăлнă Анатолий протоирейĕн пуçарăвĕ. Вăл пĕлтĕрхи апрельти синкерччен республикăри кăнтăр районĕсен благочиннăйĕ пулнă.