00:00 09 августа 2011 г.
Шăмăршă районĕнчи Палтиел çумĕнчи вăрманта, Хырла юхан шывне пÿлсе пысăк плотина тунă. Унăн лаптăкĕ пысăк - 420 гектар. Управра 15,7 миллион кубла метр шыв пуçтарăннă.
Республикăри тата Раççейри «Таса шыв» программăпа килĕшÿллĕн çакăнти шывпа республикăн кăнтăр енче вырнаçнă Шăмăршă, Патăрьел районĕсенчи тата Каçал енĕн пĕр пайĕнчи ялсене тивĕçтерме тытăнмалла.
Управăн никĕсĕ 2005 çулта хывма пикеннĕ. Виçĕм çул вара çулталăк вĕçĕнче гидроузела патшалăх комиссийĕ хута яма йышăннă. Пĕвен айлăм пайĕнче шыва тасатакан хăватлă сооруженисем туса лартмалла.