00:00 09 августа 2011 г.
Вăрмар райадминистрацийĕн ЗАГС пайĕ çакна пĕлтерет: кăçалхи январь-июль уйăхĕсенче районта 171 ача çуралнă, 66 çемье чăмăртаннă, 26 ачана ашшĕсем хăйсен тесе йышăннă, 3 ачана усрава илнĕ, 5-шĕ ятне улăштарма шут тытнă. Савăнăçпа хурлăх та юнашар çÿрет. 26 мăшăр пĕр-пĕринчен уйрăлма шутланă, 277 çын çак хушăра пурнăçран уйрăлса кайнă. Вĕсенчен 147 арçын тата 130 хĕрарăм. Арçынсене илес пулсассăн вĕсем - 61, хĕрарăмсем 73 çул пурăнаççĕ.
Информацие хурлăхлипе вĕçлес мар, çут тĕнчене килнĕ ачасенчен 90-шĕ - хĕр, 81-шĕ - арçын ачасем.