00:00 05 августа 2011 г.
ЧР власть органĕсен официаллă порталĕ çĕнĕ пайпа пуянланнă. Халĕ республикăри тата унăн тулашĕнчи пулăмсем çинчен чăвашла вуласа пĕлме пулать. Кунта кулленхи хыпарсем те, архив материалĕсем те пур, актуаллă событисене тупмалли баннерсене те тăван чĕлхепе йĕркеленĕ.
Республикăн власть органĕсен тата ЧР Президенчĕн ĕçĕсен тата ЧР Президенчĕн ĕçĕ-хĕлĕпе те чăвашла паллашма пулать. Республикăн экономика, культура сăн-сăпатне, социаллă пурнăçне, историйĕпе йăла-йĕркине сайтра уççăн çутатнă. Чăваш халăхĕн паллă çыннисем, республика тулашĕнчи йăхташсем пирки уйрăм страница пур.
Сайта йĕркелекенсем палăртнă тăрăх çитес вăхăтра Чăваш Ен кун-çулне сăнлакан çĕнĕ пайсем те пулмалла. Çавăн пекех ентешсем чăвашла ыйту пама, хăйсен шухăш-кăмăлне пĕлтерме те пултарĕç.