00:00 02 августа 2011 г.
2010 çул вĕçĕнче ЧР Тĕп суйлав комиссийĕн председателĕ пулнă Л.Линик хăй ирĕкĕпе ĕç вырăнне пушатсан комисси пуçлăхĕн тивĕçĕсене унăн çумĕ А.Цветков пурнăçланă.
Тĕп суйлав комиссин çĕнĕ йышĕ ĕçе тытăннă татса паракан сасăллă вун икĕ член хăйсен йышĕнчен ертÿлĕхе суйланă. Республика ертÿçи унăн пуçлăхĕнче 1999 çултанпа кунта ĕçленĕ, лайăх енĕпе палăрнă А.Цветкова курасшăн - Раççей Федерацийĕн Тĕп суйлав комиссине унăн кандидатурине сĕннĕ. Ăна пур енлĕн пахаланă хыççăн сĕнÿпе килĕшнĕ. Чăваш Республикин Тĕп суйлав комиссийĕн пĕрремĕш ларăвĕнче Александр Иванович кандидатурине тепĕр хут тĕплĕн тишкернĕ хыççăн унăн хушаматне суйлав бюллетеньне кĕртнĕ. Кĕçех хальхи комиссин пур членĕ те уншăн сасăланă.
Александр Цветков яваплă ĕçе шаннăшăн пурне те тав тунă, ăна тÿрре кăларма, тăрăшса ĕçлеме шантарнă.