Новости » Ĕçлекенсен пенсийĕ пирки

00:00 29 июля 2011 г.

РФ Пенси фончĕн Чăваш Республикинчи уйрăмĕ пĕлтернĕ тăрăх тивĕçлĕ канăва тухнă хыççăн та производствăран уйрăлман граждансен ĕç пенсине августăн 1-мĕшĕнчен корректировка тăваççĕ. Ăна çĕнĕрен шутлаттарма заявлени çырмалла мар. Корректировка ирĕкĕпе ватлăхри ĕç, инвалидлăх тата тăрантарса пурăнакана çухатнипе патшалăх укçине илекенсем усă кураççĕ. Тÿлеве памалла тунă е ăна юлашки хут шутланă хыççăн гражданинăн Пенси фондĕнчи ятарлă счечĕ çине куçарнă страховани взносĕн виçине кура корректировкăна виççĕмĕш çул августăн 1-мĕшĕнчен хăй тĕллĕн ирттереççĕ. Ĕç пенсийĕн виçи кашни çыннăн - хăйне евĕр, страховани взносĕн суммипе тÿрремĕнех çыхăннă май, çĕнĕрен шутланă хыççăнхи хушăм та пĕрешкел пулаймасть. Тивĕçлĕ канăва тухнă çын тÿлеве заявлени çырса унчченхи йĕркепе çĕнĕрен шутлаттарма та пултарать - саккун ăна çакнашкал ирĕк парать.