00:00 29 июля 2011 г.
ЧР Ял хуçалăх министерстви пĕлтернĕ тăрăх Чăваш Енри ял хуçалăх таварĕсене туса кăларакансене пулăшма федераци бюджетĕнчен 225,3 млн тенкĕ куçнă. Çав укçаран 124,8 млн тенкине çăмăллăх кредичĕн процент ставкине субсидилеме яраççĕ. 100 млн тенки ял хуçалăх культурисене, тухăçне тата нумай çул ÿсекен ÿсен-тăрана страхлама усă курнă укçа-тенке саплаштарма кайĕ.
Çулталăк пуçланнăранпа агропромышленность комплексне пулăшма федераци бюджетĕнчен республикăна 811,8 млн тенкĕ е çулталăкра палăртнин 68,5 проценчĕ куçнă.