00:00 29 июля 2011 г.
Çак кунсенче ЧР Ял хуçалăх министерстви уйрăм хушма хуçалăхĕсене тата ял хуçалăх организацийĕсене выльăх апачĕ туянмалли субсидисене (156,4 млн тенкĕ) куçарассипе активлă ĕçлет.
Çитес кунсенче ял çыннисен перекет кĕнекисен шучĕ çине пĕр ĕне пуçне 1 пин те 700 тенкĕ укçа куçмалла. Çакă 2011 çулхи январĕн 1-мĕшĕ тĕлне республикăра ĕнесен шутне сыхласа хăварма пултарнипе çыхăннă. Çулталăк пуçламăшĕнчех Раççейĕн пĕрремĕш вице-премьерĕ, агропромышленность аталанăвĕн ыйтăвĕсемпе ĕçлекен В.Зубков ĕнесен йышне чакарман регионсене федераллă бюджетран выльăх апачĕ туянма укçа-тенкĕ уйăрасси пирки каланăччĕ. Пĕрремĕш хут выльăх апачĕ туянмалли укçа республикăна çулталăк пуçламăшĕнчех килнĕччĕ-ха.
Çуркунне ял хуçалăх организацийĕсемпе уйрăм хушма хуçалăхсем пĕр ĕне пуçне 1 пин тенкĕлĕх пулăшу илнĕччĕ.