Новости » Çурт-йĕр пулсан – çемье тĕреклĕ

00:00 29 июля 2011 г.

Çынсем ăшă та хăтлă çуртра пурăнччăр, ачасем çуратма ан хăраччăр тата вĕсен канлĕхĕшĕн ан кулянччăр тесен тивĕçлĕ общество инфратытăмĕ кирлĕ. Çавна май республикăра, çавăн пекех пирĕн районта та çемьесене хăтлă çурт-йĕрпе тивĕçтерессипе тĕрлĕ программăсем ĕçлеççĕ. Юлашки çулсенче «2013 çулчченхи ялсен социаллă аталанăвĕ» федераллă тĕллевлĕ программăпа ялта тĕпленсе пурăнакан тата яллă вырăнта ĕçлекен граждансенчен чылайăшĕ çурт-йĕрлĕ пулчĕç. Асăннă программăпа килĕшÿллĕн районти Культура çуртĕнчи «Парне» халăх коллективĕн руководителĕ Л.Волостнова яллă вырăнта çурт-йĕр туянма социаллă пулăшу илнĕ. Район администрацийĕн пуçлăхĕн ĕçĕсене вăхăтлăха пурнăçласа пыраканĕ А.Тихонов чаплă лару-тăрура Лариса Геннадьевнана çурт-йĕр туянма свидетельство панă.

Çакна палăртмалла: «2013 çулчченхи ялсен социаллă аталанăвĕ» федераллă тĕллевлĕ программăпа килĕшÿллĕн пирĕн районта 6 çемье çурт-йĕр çавăрнă. Çак ĕç малалла пырать.