00:00 12 июля 2011 г.
Раççей Федерацийĕн Регионсен аталанăвĕн министерствинче федерацин «Çурт» (2011-2015 çулсем валли) тĕллевлĕ программин «Çамрăк çемьесене çуртпа тивĕçтересси» çум программине 2011 çулта хутшăнма Раççей субъекчĕсене суйласа илес енĕпе ĕçлекен конкурс комиссийĕн ларăвĕ иртнĕ.
Унта РФ регионĕсем тăратнă ипотека кредичĕн, вырăнта çамрăк çемьесене çуртпа тивĕçтермелли программăсене, çум программăна пурнăçлама бюджетран уйăрма палăртнă нухрат виçине пăхса тухнă.
Конкурс комиссийĕ заявка тăратнă 77 субъекта 2011 çулта çум программăна хутшăнма суйласа илнĕ. Çав йышра - Чăваш Республики те. Йĕркепе пăхнă тăрăх çемье çын шутне кура çурт хакĕн 30-35 проценчĕ чухлĕ социаллă тÿлеве тивĕçет. Çакă çамрăк çемьесемшĕн курăмлă пулăшу пулĕ.