00:00 05 июля 2011 г.
Çанталăк лайăхланса пыни республикăри ял хуçалăх предприятийĕсене выльăх апачĕ хатĕрлес ĕçе хăвăртлатма май парать.
Июнь уйăхĕн вĕçĕ тĕлне республикăра 24708 гектар çинче нумай çул ÿсекен курăксене çулнă, ку мĕн пур лаптăкăн 25 проценчĕпе танлашать. Ял хуçалăх организацийĕсем 5128 тонна утă (16,1 процент) хатĕрленĕ, 38892 тонна сенаж (26 процент) хывнă.
Выльăх апачĕ хатĕрлес енĕпе Патăрьел, Вăрнар, Елчĕк, Тăвай районĕсем ырă тĕслĕх кăтартаççĕ. Шупашкарсем те сенаж хывас плана 56,7 процент тултарнă. Çав вăхăтрах Хĕрлĕ Чутай тата Çĕмĕрле тăрăхĕсенче утă пĕр тонна та хатĕрлемен.
Шанас килет: кунсем малашне хĕвеллĕ тăрсан хуçалăхсенче пухса илнĕ утăн калăпăшĕ ÿсĕмленетех.