00:00 23 июня 2011 г.
Шăнкăртамра (Патăрьел районĕ) тутарсен Пĕтĕм Раççейри II-мĕш Сапантуйĕ иртнĕ. Уява ЧР Президенчĕ М.Игнатьев, ЧР Патшалăх Канашĕн Председателĕ М.Михайловский, Правительство членĕсем, Тутарстан Патшалăх Канашĕн спикерĕ Ф.Мухаметшин ертсе пыракан пысăк делегаци, Раççей Федерацийĕн Президенчĕн Федерацин Атăлçи округĕн полномочиллĕ представителĕн çумĕ Н.Овсиенко, Раççейри мăсăльмансен Тĕн управленийĕн пуçлăхĕ Т.Таджуддин, Чăваш Республикинчи мăсăльмансен Тĕн управленийĕн Председателĕ А.Крганов, РФ Патшалăх Думин депутачĕсем, пысăк шайри офциаллă ытти хăна хутшăннă.
Праçник уçланкăри тĕп сцена умĕнче «Аслă халăхсен тымарĕсем» театрализациленĕ прологран пуçланнă.
Хăйĕн салам сăмахĕнче ЧР Президенчĕ М.Игнатьев Сапантуя Чăваш Енре ирттерни пысăк пĕлтерĕшлĕ пулнине палăртнă.
Ĕçпе юрă уявĕнче спорт вăййисем иртнĕ.
Аслă уçланкăра каç пуличченех тутарпа чăваш кĕвви-юрри шăраннă, суту-илÿ ярмăркки ĕçленĕ.