00:00 17 июня 2011 г.
Ĕнер райадминистрацин ларусен залĕнче район депутачĕсен Пухăвĕн депутачĕсен черетлĕ ларăвĕ иртрĕ. Унта район администрацийĕн пуçлăхĕ К.Никитин, унăн заместителĕсем, пай начальникĕсемпе сектор заведующийĕсем, ял тăрăхĕн пуçлăхĕсем, организацисемпе предприятисен ертÿçисем хутшăнчĕç. Ларура 4 ыйту пăхса тухнă: 2011 çулхи район бюджетне улшăнусем кĕртесси, 2011 çулта Вăрмар районĕн муниципаллă пурлăхне приватизацилесси çинчен калакан программине хушусем кĕртесси, çут çанталăка сыхлас енĕпе ĕçлекен районсем хушшинчи прокуратурăн протесчĕсене пăхса тухасси тата район çыннине хисеплĕ ят парасси. Пур ыйтупа та тивĕçлĕ йышăнусем тунă.