Новости » Сенат тупăшсем çинчен калать

00:00 20 мая 2011 г.

Иртнĕ çулхипе танлаштарсан Федераци Канашĕн членĕн Л.Лебедевăн тупăшĕ самаях чакнă - вăл çулталăк хушшинче 2262916 тенкĕ çеç ĕçлесе илнĕ. Çав вăхăтрах унăн мăшăрĕ - 18485880 тенкĕ. ЧР Президенчĕ пулнă Н.Федоровăн 2010 çулхи тупăшĕ 2412359 тенкĕпе танлашнă. Çак тапхăрта мăшăрĕ 401971 тенкĕ ĕçлесе илнĕ. РФ Федераци Канашĕн аппарачĕн ертÿçин пĕрремĕш заместителĕн (хăй вăхăтĕнче вăл ЧР правительствин председателĕ пулнă) В.Викторовăн çулталăкри тупăшĕ 2299224 тенкĕ пулнă, мăшăрĕн - 1068968 тенкĕ. ЧР Патшалăх Канашĕн спикерĕ пулнă Н.Ивановăн, халĕ вăл çÿлерех асăннă структурăра пай начальникĕн заместителĕ пулса ĕçлет, тупăшĕ - 855821 тенкĕ. Çакна та палăртмалла - асăннă çынсем хваттерсемпе, çĕр пайĕсемпе, автомашинăсемпе усă кураççĕ.