00:00 20 мая 2011 г.
Райадминистрацин ларусен залĕнче районти черетлĕ Акатуя ирттерес енĕпе йĕркеленĕ комитетăн анлă ларăвĕ иртнĕ. Унăн ĕçне район депутачĕсен Пухăвĕн депутачĕсем, хула, ял тăрăхĕсен пуçлăхĕсем, тĕрлĕ шай тытăмĕнчи предприятисемпе организацисен, учрежденисен ертÿçисем, ЧР Президенчĕн администрацийĕн пай пуçлăхĕ С.Кашаев, вырăнти хăй тытăмлăх органĕсемпе ĕçлекен В.Михайлов консультант хутшăннă.
Район администрацийĕн пуçлăхĕ К.Никитин Космонавтика çулне халалланă районти Акатуя июнĕн 4-мĕшĕнче ирттерме палăртнă май, çак вăхăтчен уйри çурхи ĕçсене вĕçлеме, хула, ял тăрăхĕсенче тирпей-илем кĕртме чĕнсе каланă, çавăн пекех пур шайри руководительсене те уява йĕркелесе ирттерсе яма хăйсенчен мĕн кирлине вăхăтра та çÿллĕ шайра пурнăçлама ыйтнă.