00:00 17 мая 2011 г.
2011 çулхи майăн 20-мĕшĕнче 14 сехетрен пуçласа 15 сехетчен «Хĕрлĕ ялав» хаçат редакцийĕ пурăнмалли çурт-йĕрпе коммуналлă хуçалăх ыйтăвĕсемпе «Çавра сĕтел» ирттерет. Унта Вăрмар район прокурорĕн заместителĕ Г.Демьянов, райадминистрацин пуçлăхĕн заместителĕ - строительство тата обществăлла инфратытăм пайĕн начальникĕ А.Тихонов, «Пурăнмалли çурт-йĕрпе коммуналлă хуçалăха ертсе пыракан компанийĕ» муниципаллă унитарлă предприятин пуçлăхĕ О.Викторов хутшăнаççĕ. Çавăн пекех майăн 17,18, 19, 20-мĕш кунĕсенче 2-15-76, 2-16-74 номерлĕ телефонсемпе халăха пурăнмалли çурт-йĕрпе коммуналлă пулăшупа тивĕçтерессипе çыхăннă ыйтусем кĕтетпĕр.