Новости » Пушарниксем юрлаççĕ те

00:00 26 апреля 2011 г.

Çĕрпÿре Чăваш Республикинчи 7 пушар чаçĕ хушшинче художествăлла пултарулăх конкурсĕ иртнĕ. Вăрмарти 39 номерлĕ пушар чаçĕн команди çакăнта пĕрремĕш вырăн çĕнсе илнĕ. Пушар чаçĕн водителĕ В.Морозов нумай çул хушши хăйех илемлĕ юрăсем çырать, тĕрлĕ номинацисенче яланах малти вырăнсене çĕнсе илет. «Ирĕклĕ вĕçев» номинацире А.Павловапа А.Родионова пĕрремĕш пулнă. Çавăн пекех А.Павлова «Анне çинчен баллада» юррипе жюри членĕсене тыткăнласа каллех çĕнтернĕ. «Манăн атте – пушарник» видеоролик та чи лайăххисен шутĕнче пулнă.

Çапла Вăрмарти пушар чаçĕн команди ытти пушар чаçĕн командисем хушшинче пĕрремĕш пулнă.