00:00 19 апреля 2011 г.
«Полици çинчен» саккун вăя кĕнĕ хыççăн ШĔМĕн мĕн пур сотрудникне штат тулашне кăларнă. Июлĕн 1-мĕшĕ тĕлне полицин çĕнĕ штачĕ йĕркеленĕ. Унччен кашнин тĕрĕслев витĕр тухма тивĕ - Шалти ĕçсен министрĕнчен пуçласа ахаль сотрудник таран.
Çул-йĕр полицийĕн йышне йĕркелеме вара республикăри кашни гражданин хутшăнма пултарать. ЧР ШĔМĕн Çул çÿрев хăрушсăрлăхĕн патшалăх инспекцийĕн управленийĕн общество канашĕ тата управлени хăй пурне те «Халăх аттестацийĕ» проекта хутшăнма чĕнеççĕ. Июнĕн 1-мĕшĕнчен ПАИ сотрудникĕсен ĕçĕпе çыхăннă хаклавăрсене ярса пама пултаратăр - ырласа та, сивлесе те. Эсир инспекци сотрудникĕсемпе хутшăннипе çыхăннă опыта Раççей полицине йĕркелемелли квалификаци аттестацине ирттернĕ чухне шута илĕç. Çак информаци автоинспекцин кадрсен политикине тÿрлетÿсем кĕртме пулăшĕ.
ЧР автоинспекцийĕн сотрудникĕсене хаклакан «çырусене» общество канашне электрон почтин çак адресĕпе ярса парăр: os@cheb.ru.