00:00 15 апреля 2011 г.
Шупашкарта апрелĕн 26-30-мĕшĕсенче Пĕтĕм тĕнчери кинофестиваль иртет. Мĕн калама пулать Чăваш Енре иртекен тăваттăмĕш кинофестиваль пирки? Унăн президенчĕ - К.Шахназаров. Ун пирки çакна асăнса хăвармалла: вăл - Раççей халăх артисчĕ, РФ Общество палатин членĕ, «Мосфильмăн» генеральнăй директорĕ. Жюри председателĕ - С.Проскурина режиссер. Вăл - Раççей Кинематографистсен союзĕн членĕ. Унăн ĕçĕ - «Случайный вальс» фильмĕ хăй вăхăтĕнче «Ылтăн леопарда» та тивĕçнĕ. Жюри членĕсем: çĕршыври тата Европăри паллă операторсенчен пĕри А.Антипенко, И.Рубанова критик, киновед; Ш.Абдусаламов художник, актер, режиссер, писатель; Н.Седых актриса.
Конкурса çĕнĕ, пысăк экран çине тухма ĕлкĕреймен илемлĕ фильмсене кĕртнĕ. «12 кинолентăран чи-чи лайăххине палăртма çăмăл пулмĕ, мĕншĕн тесен вĕсен конкурса тăратнă ĕçĕсене «КиноКаскад» кинотеатрта тÿлевсĕр кăтартĕç. «Çеçпĕл», «Мир Луксор», «Атăл» (Çĕнĕ Шупашкар) кинотеатрсем, «Синема-5» киноцентр, «Салют», Трактор тăвакансен культура керменĕсем фестивалĕн тĕп лапамĕсем пулĕç.
«Фестивальсен фестивалĕ» программăра та куракансене кăсăклă ĕçсем кĕтĕç.
Космоспа çыхăннă картинăсемпе те паллаштарĕç унта.