00:00 15 апреля 2011 г.
2011 çулхи пĕрремĕш кварталта районти ЗАГС пайĕнче граждансен 214 актне регистрациленĕ. Вĕсенчен 58-шĕ çут тĕнчене ачасем килнипе çыхăннă (26 арçын ача тата 32 хĕр ача çуралнă). Иртнĕ çулхи çак тапхăрта 65 ача çуралнă пулнă. Мăшăрлă çемьесенче 43 пепке çут тĕнчене килнĕ, пĕччен амăшĕсен –15. Çавăн пекех вилни çинчен 110 акт регистрациленĕ (иртнĕ çулхи çак тапхăрта 8 çын сахалрах вилнĕ). 23 мăшăр йĕркеленнĕ (иртнĕ çул 18 мăшăр пулнă).
Çавăн пекех ЗАГС пайĕ 10 çул тата ытларах пурăнакан мăшăрсене чыслассипе активлă ĕçлесе пырать. Акă иртнĕ кунсенче Валентина Николаевнапа Александр Вениаминович Степановсене «кĕмĕл» туй ячĕпе саламларĕç. Савăнăçлă лару-тăрура юбилярсене 2036 çулта пулакан хăйсен «ылтăн» туй уявне килмелли йыхрав пачĕç. Мероприятире Степановсен ячĕпе сахал мар ырă сăмах пулчĕ. Тăванĕсем, юлташĕсем саламларĕç вĕсене «кĕмĕл» туй ячĕпе.