00:00 08 апреля 2011 г.
К.Иванов ячĕллĕ Чăваш патшалăх академи драма театрĕнче иртнĕ пресс-конференцие Мари театрĕн Чăваш Енри кунне халалланă. Унта М.Шкетан ячĕллĕ Мари наци драма театрĕн тĕп режиссерĕ Р.Алексеев ертсе пыракан ушкăн хутшăннă.
Апрелĕн 7-мĕшĕнче Чăваш театрĕн сцени çинче Мари Эл Республикин тава тивĕçлĕ артисчĕ Р.Алексеев лартнă «Саня, Ваня, с нами Римас» камит кăтартнă.
Пирĕн чăваш театрĕ вара апрелĕн 21-мĕшĕнче Йошкар-Олана çитсе килĕ. Мари наци драма театрĕнче çармăс драматургĕн А.Волковăн камичĕпе Мари Эл искусствисен тава тивĕçлĕ ĕçченĕ В.Пектеев лартнă «Туй икерчи» ĕçпе паллаштарĕ.
- Пирĕн туслăх иртнĕ ĕмĕрĕн 70-мĕш çулĕсенчех çирĕпленнĕ, - тенĕ пресс-конференцире СССР халăх артисчĕ В.Яковлев.