Новости » Депутата асăнса

00:00 29 марта 2011 г.

Дзюдо енĕпе 1997-99 çулсенче çуралнă арçын ачасемпе хĕр ачасем хушшинче Чăваш Республикин Патшалăх Канашĕн депутатне А.Трофимова асăнса Çĕнĕ Шупашкарта Пĕтĕм Раççейри турнир иртнĕ. Унăн тĕллевĕ - дзюдо спортне малалла аталантарасси, пултаруллă спортсменсем тупса палăртасси тата Атăлçи федераци округĕнче ирттерекен ăмăртăва хатĕрленесси. Тупăшăва Мускав хулипе облаçĕнчен, Мари, Мордва, Пушкăрт республикисемпе тĕрлĕ облаçсемпе хуласенчен спортсменсем нумаййăн пуçтарăннă. Л.Уливановпа Н.Сейфуллин тренерсем хатĕрленипе турнира пирĕн район спортсменĕсем те хутшăннă. Çивĕч кĕрешÿре Вăрмарти пĕрремĕш вăтам шкулта вĕренекен Кирилл Михайлов 73 килограммран ытларах таякан спортсменсем хушшинче иккĕмĕш вырăн йышăннă. Çак шкулти Дмитрий Никитинпа Дмитрий Алексеев хăйсен виçисенче пиллĕкмĕш вырăнсене çĕнсе илнĕ. Çĕнтерÿçĕсене дипломпа наградăланă, медаль тата хаклă парне панă.