Новости » Уява хатĕрленсе

00:00 29 марта 2011 г.

Правительство çуртĕнче Ульяновск облаçĕнче Чăваш Республикин Культура кунĕсене тата Пĕтĕм Раççейри чăвашсен Акатуйне ирттерес енĕпе ĕçлекен йĕркелÿ комитечĕн ларăвĕ иртнĕ. Йĕркелÿ комитетне Чăваш Республикин Министрсен Кабинечĕн Председателĕн çумĕ - Чăваш Республикин Раççей Федерацийĕн Президенчĕ çумĕнчи полномочиллĕ представителĕ, Раççейри чăвашсен наци культура автономийĕн президенчĕ Г.Федоров ертсе пырать. ЧР Культура министрĕ Р.Лизакова мероприятисене хатĕрленесси еплерех пынипе паллаштарнă. Ятарлă ушкăн йĕркеленĕ, Акатуйăн тĕп режиссерĕ - ЧР Культурăн тава тивĕçлĕ ĕçченĕ Л.Скоробогатова. Пĕтĕм Раççейри чăвашсен Акатуйĕ вăйă картипе уçăлĕ, Чĕмпĕрти В.И.Ленин ячĕллĕ тата «В.И.Ленин: 100 çул» лапамсенче иртĕ. Уява хăнасем Раççейри 33 регионтан тата 6 çĕршывран пухăнĕç.