00:00 29 марта 2011 г.
РФ Правительствин Председателĕ В.Путин Чăваш Енри ял çыннисемшĕн лайăх хыпар пĕлтернĕ - вăл ĕне выльăх йышне сыхласа хăварнă регионсене федерацин 5 млрд тенкĕ хушма пулăшăвне уйăрасси çинчен калакан Хушăва алă пуснă. РФ çакнашкал субъекчĕсен шутне пирĕн республика та кĕнĕ. Мĕн пур условие пурнăçланă хуçалăхсене укçана çывăх вăхăтрах валеçĕç.
2010 çулта çĕршывра - 13 млн гектар çинчи тухăç пĕтнĕ. Çут çанталăкăн япăх условийĕсене пула кĕрхи культурăсене 20 процент сахалрах акса хăварнă. Çапах та Чăваш Республикинче ку кăтарту иртнĕ çулхи шайрах, кĕр тыррисен лаптăкĕ 119 пин гектарпа танлашать. Республикăра çавăн пекех çурхи пĕрчĕллĕ тата пăрçа йышши культурăсен лаптăкне - 166 пин гектара, çĕр улми пуссисене 54 пин гектара çити ÿстерме палăртаççĕ.