Новости » Татьяна çĕнтерÿпе савăнтарчĕ

00:00 04 марта 2011 г.

Çăмăл атлетика енĕпе тĕнче класлă Раççей спорт мастерĕн, Европа чемпионкин тата кĕмĕл призерĕн (2005), Пекинри XXIX Олимп вăййисене хутшăннă пирĕн пултаруллă ентешĕн Татьяна Валерьевна Петрован ячĕ юлашки вăхăтра радиопа телевиденире та илтĕнмерĕ, хаçат-журналсенче те курăнмарĕ. Мĕн пулнă, ăçта çухалнă; Çакă кашнинех кăсăклантарнă. Тинех савăнăçлă хыпар пĕлтĕмĕр. Кăçалхи февралĕн 27-мĕшĕнче Японин тĕп хулинче иртнĕ пĕтĕм тĕнчери сумлă марафонра пирĕн ентеш Татьяна Петрова хисеп пьедесталĕн виççĕмĕш картлашки çине хăпарса тăма тивĕçлĕ пулнă. Чаплă çĕнтерÿ. Çывхарса килекен Хĕрарăмсен кунĕпе саламланă май, ăмăртусенче татах та пысăкрах çитĕнÿсемпе савăнтарасса шанас килет.