00:00 18 февраля 2011 г.
Районти Культурăпа кану центрĕнче Ыр кăмăллăх марафонне уçма райадминистрацин пуçлăхĕ К.Никитин, район пуçлăхĕ В.Павлов, Вăрмар райпо канашĕн председателĕ С.Харитонов хутшăнчĕç, хăйсем те укçа хыврĕç. Çавăн пекех райадминистраци, вĕрентÿ учрежденийĕсен, библиотека ĕçченĕсем, Вăрмар хула тăрăхĕн депутачĕсем, предпринимательсем тата ыттисем те марафона хутшăнчĕç. Константин Владимирович ыр кăмăллăх акцине хутшăнакансене пурне те тав сăмахĕ каларĕ. «Ачалăхшăн, ачалăх ячĕпе» ыр кăмăллăх марафонĕ вара малалла пырать.
Ачасен пурнăçне кăшт та пулин çăмăллатас тĕллевпе укçа пуçтарасси тăсăлать. Пирĕн районта 104 инвалид ача, ашшĕ-амăшĕн хÿттисĕр юлнă 118, йывăр лару-тăрăва кĕрсе ÿкнĕ 150 ача пурăнать, сахал тупăшлă 1275 çемье шутланать. Марафона хутшăнакан кашниех хăй ырă ĕç тунине ăнланать. Май пур таран пурин те çак акцие хутшăнмаллах.