00:00 15 февраля 2011 г.
Раççей Федерацийĕн «Политика репрессийĕнче шар курнисен таса ячĕсене тавăрасси çинчен» саккунĕпе килĕшÿллĕн пĕлтĕр Чăваш Республикинчи Шалти ĕçсен министерстви политика тĕлĕшĕнчен айăпласа администраци йĕркипе ссылкăна, ялан пурăннă вырăнтан ирĕксĕрлесе кăларса янă, ятарлă поселение ăсатнă, ирĕкĕпе правине ытти тĕрлĕ меслетпе хĕснĕ çынсен тата ашшĕ-амăшĕпе пĕрле политика репрессине лекнĕ ачисен таса ячĕсене тавăрнă.
Çав шутра пирĕн район çыннисем те пур: Мария Игнатьевна Игнатьева, 1881 çулта Кивĕ Вăрмар ялĕнче çуралнă. 1930 çулта репрессиленĕ;
Пелагея Семенова, 1848 çулта Кивĕ Вăрмар ялĕнче çуралнă, 1930 çулта репрессиленĕ;
Фока Хрисанфович Хрисанфов, 1910 çулта Кивĕ Вăрмар ялĕнче çуралнă, 1930 çулта репрессиленĕ.