Новости » Иртни тата пуласси

00:00 11 февраля 2011 г.

Вăрмарти Культурăпа кану центрĕнче районти культура ĕçченĕсен семинар-канашлăвĕ иртрĕ. Мероприятире райадминистрацин культурăпа архив ĕçĕн пайĕн 2010 çулхи ĕçне пĕтĕмлетнĕ, 2011 çула палăртнă тĕллевсемпе паллашнă. Çак ыйтусемпе райадминистрацин культурăпа архив ĕçĕн пайĕн начальникĕ И.Дмитриева тухса калаçрĕ. Вăрмарти Культурăпа кану центрĕн 2010 çулхи ĕçĕ тата 2011 çулхи тĕллевĕсем çинче унăн директорĕ Т.Викторова чарăнса тăчĕ. Вăрмарти тĕп библиотека директорĕ Г.Алексеева районти библиотекăсен 2010 çулхи ĕçĕ-хĕлĕпе паллаштарчĕ. Семинарта çавăн пекех Вăрмар районĕнчи архив ĕçĕн аталанăвĕ, культура учрежденийĕсем республика тата район шайĕнче иртекен конкурссенче, фестивальсенче хутшăнасси пирки те калаçнă. Мероприятие райадминистрацин вĕрентÿпе çамрăксен политкин пайĕн начальникĕ Ю.Соколов, Чăваш патшалăх Халăх пултарулăх çурчĕн директорĕ В.Бондарев пĕтĕмлетрĕç.