Новости » Йĕлтĕр йĕрне пĕрле йĕрлер

00:00 11 февраля 2011 г.

Февралĕн 13-мĕшĕнче Пĕтĕм Раççейри «Раççей йĕлтĕр йĕрĕ-2011» чупу иртĕ. Çакăн пек анлă хĕллехи ăмăрту нихăш çĕршывра та çук. Вăрмарсем Кивĕ Вăрмар ялĕ çумĕнчи хурăнлăх катинче тупăшĕç. Çав кунах шкулта вĕренекенсем IV-мĕш Спартакиада шучĕпе район администрацийĕн пуçлăхĕн Кубокне çĕнсе илессишĕн те ăмăртĕç. Хутшăнма кăмăл тăвас текенсенчен заявкăсене ăмăрту судйисен коллегийĕ 11 сехетчен йышăнать. Ăмăртусене 11 сехет те 45 минутра уçĕç, спортсменсем старта 12 сехетре тухĕç. Тĕрлĕ çулсенчи йĕлтĕрçĕсем валли 1-5 километрлă дистанцисем хатĕрленĕ. Çĕнтерÿçĕсене призсемпе дипломсем, медальсем парса чыслĕç.