00:00 01 февраля 2011 г.
«Россельхозцентр» Федераллă Патшалăх учрежденийĕн ЧР специалисчĕсем пĕлтернĕ тăрăх январь уйăхĕн пĕрремĕш çуррин 4, 5, 15 числисенче юр нумай çунă, 30,4 миллиметрпа - ку уйăх норми - танлашнă. Уйри юр хулăнăшĕ - 60-75 сантиметр, вырăн-вырăнпа 1 метра çитет. Çакă пĕр енчен кĕрхи культурăсене лайăх хĕл каçма майсем туса парать, анчах хăрушлăх та пур - юр хулăнăшĕ тачка пулни, çĕр çиелтен кăна шăнни тĕш-тырăпа нумай çул ÿсекен курăксене çĕртме те пултарать. «Россельхозцентр» специалисчĕсем ку енĕпе халĕ тĕрĕслев ирттереççĕ.