00:00 28 января 2011 г.
Вăрмарти тĕп библиотекăра «Ырă канашсем» право лекторийĕн занятийĕ иртнĕ. ЧР Сывлăха сыхлас ĕç тата социаллă аталану министерствин районти халăха социаллă хÿтлĕх паракан пай пуçлăхĕ В.Иванов инвалидсене, ватăсене еплерех пулăшу кÿнине каласа пачĕ.
Пенси фончĕн районти управленийĕн пай начальникĕ В.Капитонов библиотекăна пуçтарăннисене 2011 çулхи февраль уйăхĕнчен ĕç пенсийĕсем ÿсесси пирки ăнлантарса пачĕ, вăя кĕнĕ çĕнĕ саккунсемпе паллаштарчĕ. Владислав Федоровичпа Валерий Васильевич пенсионерсен нумай ыйтăвĕсене хуравларĕç. Тĕп библиотекăн информаци пайĕн заведующийĕ С.Щербакова «Экспресс-информаци» электронлă презентаци ирттернĕ, çĕнĕ саккунсемпе паллаштарнă.