00:00 18 января 2011 г.
Декабрь вĕçĕнче Çĕнĕ Шупашкар хулинче Хĕл Мучи парнисемшĕн дзюдо енĕпе ăмăрту иртнĕ. Çĕнтерÿçĕсен шутĕнче пирĕн район ачисем те йышлăн пулнă. 55 кг виçере пĕрремĕш вырăн К.Михайлов, Н.Никитин, А.Мельников, Д.Алексеев виççĕмĕш вырăнсене йышăннă. 50 кг виçере иккĕмĕш вырăна Д.Никитин тухнă. 34 кг виçере И.Иванов виççĕмĕш вырăн çĕнсе илнĕ.
Çак ачасен тренерĕ Лев Кузьмич Уливанов. Вăл ертсе пынипе шкул ачисем тăтăшах самбо, дзюдо енĕпе республика шайĕнче иртекен ăмăртусенче малти вырăнсене йышăнаççĕ. Ачасем Вăрмар район администрацине ăмăртăва çитсе килме пулăшнăшăн, автомашинăпа тивĕçтернĕшĕн питĕ хĕпĕртерĕç.