00:00 14 декабря 2010 г.
Декабрĕн 9-мĕшĕнче Вăрмар хула тăрăхĕн администрацийĕн акт залĕнче «Пĕтĕм чунтан» çемье уявĕ иртнĕ.
Уява райадминистрацин культура тата архив ĕçĕн пайĕ тата Вăрмарти тĕп библиотека йĕркеленĕ. Мероприятире В.Алексеевăн «Это было недавно, это было давно» кĕнекине презентациленĕ. Тĕп библиотекăри информаци пайĕн заведующийĕ С.Щербакова поселокри хисеплĕ, нумай çул пĕрле пурăнакан çемьесем çинчен (Мадяновсем, Кугушевсем, Андреевсем, Гусаровсем, Портновсем тата ыттисем пирки те) «Алла-аллăн, чĕререн чĕрене» электронлă презентаци урлă каласа панă. Çавăн пекех декабрь уйăхĕнче ылтăн туй кунне паллă тунă коллективсем те килнĕ.
Райадминистрацин пуçлăхĕ К.Никитин уява пуçтарăннă хăнасене дипломсем, асăнмалăх парнесем панă, В.Алексеева Вăрмар район администрацийĕн ячĕпе Тав çырăвĕ панă.