00:00 07 декабря 2010 г.
ЧР Президенчĕ М.Игнатьев Шупашкар тата Чăваш Митрополитне Варнавăна священнике алă хунăранпа (хиротони) 34 çул çитнĕ ятпа саламланă, Владыкăна тĕн çирĕплетес тĕлĕшпе нумай çул ĕçленĕшĕн тав тунă, суйласа илнĕ çулăн шанăçне яланах тÿрре кăларнине, чăнлăхшăн тата ырă тума тăрăшнине ăшшăн палăртнă. Митрополит та М.Игнатьева республикăшăн тăвакан пысăк ĕçшĕн тав тунă, Чăваш Енре пурăнакансемшĕн малашне те тÿрĕ кăмăлпа ĕçлеме пилленĕ.
Чăваш Ен Президенчĕпе Шупашкар-Чăваш Митрополичĕ чиркÿ тата республикăри влаç тытăмĕ халăхшăн пĕрле тумалли ĕçсене сÿтсе явнă. Шупашкар-Чăваш епископĕн хиротонийĕ 1976 çулхи ноябрĕн 30-мĕшĕнче Таса Троица Сергий Лавринче пулнă. Хиротоние Таса Патриарх Пимен (Извеков) ирттернĕ. Тĕншĕн епископ санĕнчен ĕçлеме пуçланă. Варнавăна 1984 çулта архиепископа çирĕплетнĕ, чиркÿ аталанăвĕшĕн хастар ĕçленĕшĕн 2001 çулта митрополит санне панă.