00:00 30 ноября 2010 г.
Чăваш Ен Президенчĕ М.Игнатьев «Çулталăк çемйи - 2010» республика конкурсĕн çĕнтерÿçисене Чăваш патшалăх драма театрĕнче чысланă. Пирĕн районтан унта Сапаркинсен çемйи хутшăннă.
«Обществăн тикĕс аталанăвĕ çемьери лăпкăлăхпа тата çураçулăхпа тÿрремĕн çыхăннă. Эсир Чăваш Енри ытти çемьешĕн тĕслĕх пулса тăратпăр», - палăртнă республика ертÿçи уява пухăннисене саламланă май.
Çавăн пекех районти хĕрарăмсен канашĕн членĕсен пĕр ушкăнĕ Çĕнĕ Шупашкарти ачасемпе çамрăксен пултарулăх керменĕнче ирттернĕ «Хĕрарăма мухтатпăр» республикăри конкурсăн пĕтĕмлетĕвне хутшăннă. Конкурса йĕркелекенĕ республикăри хĕрарăмсен канашĕ пулнă. Пуçтарăннă хĕрарăмсене республикăри хĕрарăмсен канашĕн председателĕ О.Зайцева тата ыттисем те саламланă.