00:00 12 ноября 2010 г.
Тикаш ял тăрăхĕ 3 çул ĕнтĕ юнашар районти Тăвай районĕнчи сĕт завочĕпе тачă çыхăнса ĕçлет. Сĕт пуçтарас çĕрте - конкуренци, Канашри сĕт завочĕ те тăтăшах килсе тăрать. Кăçал январĕн 14-мĕшĕнчен пуçласа çак таранччен пĕр кун сиктермесĕр кашни ирех сĕт пуçтарма килеççĕ вĕсем. Хĕллехи кунсенче, сĕт сахалтарах вăхăтра, 11 тенкĕпе туянчĕç, çуллахи шăрăх кунсенче вара сĕт хакĕ 9 тенкĕне те çитрĕ, июль уйăхĕнчен пуçласа каллех ÿсме тытăнчĕ. Паянхи кун сĕте 17 тенкĕпе туянаççĕ. Танлаштарса пăхма тепĕр цифра та илсе кăтартас килет: пĕлтĕрхи çак вăхăтра сĕтĕн 1 литрĕ 17 тенкĕ пулнă. Сĕт хакĕ ÿссе пыни ял халăхне хавхалантарса пычĕ, хăшĕсем икшер ĕне те тытма пуçларĕç. Кĕскен каласан, ял тăрăхĕнче пурăнакансем хăйсен хуçалăхĕсенче ĕне йышне чакармарĕç.