00:00 09 ноября 2010 г.
Çанталăк калама çук шăрăх тăнине кура республикăри чылай районсенче (çав шутра пирĕн районта та) 2010 çулхи июлĕн 3-мĕшĕнчен тытăнса чрезвычайлă лару-тăру йĕркине туса хунăччĕ. (Чăваш Республикин Министрсен Кабинечĕн 2010 çулхи июлĕн 2-мĕшĕнчи 205-р-мĕш хушăвĕ).
Ял хуçалăхĕнчи ĕçсене туса пымашкăн çанталăк условийĕсем лайăхланса çитнĕ май, Чăваш Республикин Министрсен Кабинечĕн 2010 çулхи октябрĕн 27-мĕшĕнчи 351-р-мĕш хушăвĕпе чрезвычайлă лару-тăру йĕркине пăрахăçланă. Çав вăхăтрах ЧР Гражданла оборона ĕçĕсен тата чрезвычайлă лару-тăрăвăн патшалăх комитетне, ЧР Ял хуçалăх министерствине тата ЧР Финанс министерствине уяр çанталăка пула тип шар курнă хуçалăхсене пулăшма, тăкак сиенĕсене чакармалли мерăсене пурнăçа кĕртме хушнă. Вырăнти хăй тытăмлăх органĕсене ял хуçалăх продукцийĕн, чĕр тавар тата апат-çимĕç саппасне туса хума, ял хуçалăхĕнчи тавар туса илекенсене тивĕçлĕ пулăшу пама сĕннĕ.