00:00 03 ноября 2010 г.
Чăваш Республикинчи ĕç рынокĕсенчи лару-тăру лайăхланса пырать, статистика çирĕплетнĕ тăрăх - ĕçсĕрлĕх чакать.
2010 çулхи март - сентябрь уйăхĕсенче шута илнĕ ĕçсĕр граждансен йышĕ 40 процент сахалланнă, кăçалхи октябрĕн 1-мĕшĕ тĕлне 15264 çынпа танлашнă. Çавна май регистрациленĕ ĕçсĕрлĕх шайĕ те вăй питти çынсем хушшинче 3,8 процентран 2,2 çити пĕчĕкленнĕ. 2009 çулхи октябрĕн 1-мĕшĕ тĕлне шута илнĕ ĕçсĕрлĕх шайĕ республикăра 2,9 процентпа танлашнă. Кăçалхи октябрĕн пĕрремĕшĕ тĕлне асăннă хисеп республикăри 7 районта (Элĕк, Хĕрлĕ Чутай, Муркаш, Вăрмар, Çĕрпÿ, Етĕрне, Елчĕк районĕсенче) 1 процентран сахалрах пулнă.