00:00 26 октября 2010 г.
Вăрмарти историпе тавра пĕлÿ музейĕнче Кавал ялĕнче çуралса ÿснĕ, РФ тата ЧР Культурăн тава тивĕçлĕ ĕçченĕн Н.Садюковăн куравĕн презентацийĕ иртрĕ. Ÿнерçĕ 70 çул тултарнă ятпа йĕркеленĕ «Тăван кĕвĕсем» курава 36 ĕç тăратнă. Унăн ĕçĕсен тĕп теми - тăван ен, тăван халăх историйĕ, илемĕ. Портрет, пейзаж, натюрморт, сюжетлă картина - пурте пур унăн пултарулăхĕнче. Уйрăмах кил ăшшине сăнласси çывăх художнике. Ачалăхне вăрçă çулĕсенче ирттернĕскер вăл пурне те телейлĕ пурнăç сунать хăйĕн ĕçĕсенче. Райадминистрацин пуçлăхĕ К.Никитин Н.Садюкова юбилейпе саламласа пысăк ĕçшĕн тав сăмахĕ каларĕ. Çавăн пекех юбиляра районти художниксем, Кавал ял тăрăхĕн пуçлăхĕ Н.Алексеева саламларĕç.