Новости » Садикре вырăн çук пулсан - компенсаци

00:00 22 октября 2010 г.

Демографи лару-тăрăвĕ лайăхланнă май Шупашкарта çуллен 8 пин пепке (пирĕн районта - 250-шар ача) çуралать. Анчах ача сачĕсенче вырăн çукки ашшĕ-амăшне пăшăрхантарать. Тĕслĕхрен, тĕп хулара хальхи вăхăтра 14 пин ача ( пирĕн районта 426 ача) черетре тăрать. Республика ертÿçисем ку тĕлĕшпе çине тăрса ĕçлени курăнать. Çитес çул республикăра 4 ача сачĕ ĕçлеме пуçламалла. Анчах та ку йывăр лару-тăруран тухма пулăшаймĕ. Çавăнпа та ача сачĕ тивĕçменнисене малашне компенсаци тÿлесшĕн. Йĕрке тăрăх, амăшĕ пепке виçĕ çула çитиччен унпа ларма пултарĕ, кайран вара, ача валли садикре вырăн тупăнмасан, хĕрарăм компенсаци илĕ. Çапла вара ачи шкул çулне çитичченех амăшĕ унпа юнашар пулĕ. Çак йĕркене çитес çултан вăя кĕртесшĕн.