Новости » Прокуратура йышĕ пысăкланчĕ

00:00 24 августа 2010 г.

Прокуратура ĕçченĕсен ĕçĕ-хĕлĕ кăткăс та йывăрри каламасăрах паллă ĕнтĕ. Ĕçсен калăпăшĕ те вышкайсăр нумай. Çав сăлтавпах РФ Генеральнăй прокурорĕн хушăвĕпе килĕшÿллĕн районсенчи прокуратурăсенче прокурорăн пулăшуçи - çĕнĕ должность - хушса панă. Августăн 23-мĕшĕнчен Вăрмар районĕн прокурорĕн пулăшуçи пулса Анастасия Петровна Филиппова ĕçе пуçăннă. Вăл 1988 çулта Саратов хулинче çуралнă, чăваш. Аслă пĕлÿллĕ - И.Н.Ульянов ячĕллĕ Чăваш патшалăх университечĕн юридици факультетĕнчен вĕренсе тухнă. Çĕнĕ çын ĕç биографине пирĕн районта пуçлать тесен те йăнăш пулмĕ. Çавна май ăна кăткăс ĕçре ăнăçусем сунмалли çеç юлать. А.Филиппова умĕн район прокурорĕн пулăшуçи пулса ĕçленĕ Ю.Никифоров халĕ район прокурорĕн аслă пулăшуçинче вăй хурать.