Новости » Çамрăк çемьесене - патшалăх пулăшăвĕ

00:00 30 июля 2010 г.

Чăваш Ен Президенчĕ Н.Федоров 2002 çулхи мартăн 6-мĕшĕнче тухнă «Чăваш Республикинчи çамрăк граждансене патшалăх пулăшăвне парассине вăйлатасси çинчен» Указа улшăнусем кĕртнĕ. Президент алă пуснă Указпа килĕшÿллĕн çамрăк çемьесем çурт-йĕр условийĕсене лайăхлатма кредитсăр организацисен займĕсемпе усă курма пултараççĕ. Асăннă документпа килĕшÿллĕн кредита палăртнă вăхăтран маларах та татма пултараççĕ. Çакна палăртмалла: республикăра «Пурăнмалли çурт-йĕр» федераллă тĕллевлĕ программăн «Çамрăк çемьесене çурт-йĕрпе тивĕçтересси» хушма программи ăнăçлă ĕçлет. 2008 çултан Чăваш Енре «2002-2015 çулсенче çамрăк çемьесене çурт-йĕрпе тивĕçтерессипе патшалăх пулăшăвĕ парасси» республика программи ĕçлеме тытăннă.