Новости » «Инкек куçа курăнса килмест»

00:00 16 июля 2010 г.

тесе калама хăнăхнă эпир, анчах та хамăрăн асăрхануллăрах пулмаллине манса каятпăр. Чылай чухне асăрхаттарса каланине хăлха айккипе ирттерсе яратпăр. Çавăнпа та инкекĕ те пулсах тăрать. Акă июлĕн 13-мĕшĕнче Хуруй ялĕнче 1952 çулта çуралнă пĕр арçын ялти шкул хыçĕнчи пĕвере шыва кĕме юраман вырăнта шыва кĕрсе путса вилнĕ. Вилнĕ çыннăн ÿтне шывран шыраса тупма Раççей МЧСĕн шыравпа хăтару службин водолазсен ушкăнĕ килсе çитнĕ. Путнă çыннăн ÿтне 6 метр ытла тăрăнăшĕнче тупнă. Районĕпе илсен паянхи куна çын путса вилнĕ тĕслĕхсем 3 пулнă. Ытла та шăрăх çанталăкра шыва кĕнĕ чухне уйрăмах асăрхануллă пулмалла, мĕншĕн тесен шывра çынна шăнăр хутлатса лартма тата ытти тĕрлĕрен инкек те сиксе тухма пултарать.