00:00 09 июля 2010 г.
Раççей МЧСĕн Чăваш республикинчи Тĕп управленийĕн ĕçченĕ, паллă спортсменка, пирĕн ентеш (Атайкасси ялĕ) Светлана Захарова капитан тăван çĕршыва пысăк çĕнтерÿпе - Европăри полицейскисемпе пушар хуралĕн ĕçченĕсен вăййисенчен виçĕ ылтăн медальпе таврăннă. Андорра княжествинче иртнĕ ăмăртусене тĕнчери 28 патшалăх спортсменĕсем хутшăннă. Раççей команди çăмăл атлетика секцийĕнче пĕрремĕш вырăн йышăннă.
Раççей командин пухмачĕнче пурĕ 123 медаль, вĕсенчен 97-шĕ - ылтăн.
Светланăна тĕп хулари чукун çул вокзалĕнче ĕçтешĕсем, чăваш спортсменĕсем, тăванĕсем, мăшăрĕ Николай кĕтсе илнĕ. Вакунран тухсанах спортсменка чечек ытамне лекнĕ.