00:00 06 июля 2010 г.
Чăваш милицийĕн сотрудникĕсем яваплăха туйнине, ÿрĕк-сÿрĕклĕхе сивленине тата професси тĕлĕшĕнчен пысăк ăсталăх кăтарнине тăтăшах палăртса калать ЧР Президенчĕ Н.Федоров. Хастаррисемпе хăюллисем, чăтăмлисем çак сăмахсене, хисепе тивĕçлех. Вĕсем вара пирĕн районта чылайăн.
Чăваш милицине 90 çул çитнĕ ятпа районти шалти ĕçсен пайĕнче иртнĕ савăнăçлă пухура милицин ветеранĕсемпе халĕ нумай çул тăрăшса вăй хуракан сотрудниксене юбилей медалĕсем парса наградăларĕç. Право йĕркине сыхласси, район гражданĕсен хăрушсăрлăхне тивĕçтересси, обществăри йĕркелĕхе упрасси, саккун ыйтнине çирĕп пурнăçласси вĕсен тивĕçĕ. Юбилей ячĕпе хавхалантарни татах та тăрăшуллăрах ĕçлеме хистет.