00:00 18 июня 2010 г.
Муркаш районĕнчи «Ударник» хуçалăхра ĕнесене машинăпа сăвакан операторсен тата выльăх-чĕрлĕхе искусствăллă майпа пĕтĕлентерекен техниксен республикăри конкурсĕ иртнĕ. Конкурса чи пултаруллă специалистсем, район çĕнтерÿçисем пуçтарăннă.
Вĕсен шутĕнче пирĕн районти «Родина» ял хуçалăх производство кооперативĕнче выльăх-чĕрлĕхе искусствăлла майпа пĕтĕлĕнтерекен пулса ĕçлекен Е.Тимофеева тата Мичурин ячĕпе хисепленекен ял хуçалăх производство кооперативĕнчи ĕнесене машинăпа сăвакан оператор пулса тăрăшакан Л.Якимова хутшăннă. Конкурс пĕтĕмлетĕвĕсемпе килĕшÿллĕн Л.Якимова çак ĕçре чылай ĕçлекенсем хушшинче чи малти вырăна тивĕçнĕ.
Сăмах май çакна палăртмалла: вăл сĕт сăвакан пĕр ĕçре 30 çула яхăн тăрăшать. Хальхи вăхăтра сăвакан ĕне 25 пăхать, талăкри сĕт сăвăмĕ те пысăк.