00:00 14 мая 2010 г.
Райадминистрацин ял хуçалăхĕпе экологи тата çĕрпе пурлăх пайĕ пĕлтернĕ тăрăх кăçалхи январь-апрель уйăхĕсенче 1056 тонна аш-какай, 5056,4 тонна сĕт суса илнĕ. Иртнĕ çулхи çак вăхăтрипе танлаштарсан аш-какай туса илесси 9,4 процент, сĕт сăвасси 1,8 процент ÿснĕ. Ял хуçалăх предприятийĕсенче суса илнĕ пĕтĕм сĕт 894 тонна пулнă. Ку енĕпе «Арабоси» агрофирма, «Шигали» хуçалăх, «Вăтам Энĕш» тулли мар яваплă общество малта пыраççĕ.
Кăçалхи май уйăхĕ тĕлне районĕпе пур тĕрлĕ категориллĕ хуçалăхсенче мăйракаллă шултра выльăхсен йышĕ 9802 пуç, çав шутра ял хуçалăх предприятийĕсенче - 1229. Сăвакан ĕнесен шучĕ пурĕ 4030 пуç, çав шутра ял хуçалăх предприятийĕсенче - 638, сыснасем - 8487, çав шутра ял хуçалăх предприятийĕсенче - 881, чăх-чĕпсен йышĕ - 135930, çав шутра «Урмарская» ăратлă кайăк-кĕшĕк фабрикинче - 98781, лаша - 209, сурăхсемпе качакасем15058 пуç шутланаççĕ.