00:00 30 апреля 2010 г.
Райадминистрацинче иртнĕ кунсенче йĕркене пăсассине хирĕç профилактика ĕçĕсем ирттерес тĕлĕшпе ĕçлекен комиссин ларăвĕ иртнĕ. Ăна комисси председателĕ В.Кириллов ертсе пынă. Çавăн пекех ларăва Вăрмар район прокурорĕ Е.Краснов, хула тата ял тăрăхĕсен пуçлăхĕсем, милицин участокри уполномоченнăйĕсем, Вăрмарти тĕп больницăн врач-наркологĕ В.Семенов хутшăннă.
2010 çулхи пĕрремĕш квартал тĕлне тĕп больницăри наркологи кабинетĕнче çул çитмен 15 ача учетра тăрать. Ял тăрăхĕсен пуçлăхĕсем хăйсен доклачĕсенче алкогольпе кĕрешессипе, ялсенче сăмакун туса сутассине тупса палăртассипе, çамрăксене сывă пурнăç йĕркине хăнăхтарассипе чылай ĕçлемелли çинчен каланă.